Eintlik het julle het ‘n wenslysie van trougeskenke.  Of julle wil ‘n bruidsregister uitsit. Dalk gaan jul strooimeisie jul geskenkelys ko-ordineer. Miskien sou julle dolgraag kontant in stede van geskenke wou ontvang omdat julle dit sinvol kan benut om jul nuwe blyplek in te rig. Maar hoe dra mens voorskrifte oor trougeskenke taktvol aan gaste oor?

Wat is die etiket rondom trou-geskenke?

Party mense voel enige vorm van voorstelle oor trougeskenke druis teen alle etiketbeginsels in. 'n Ander groep gaste sal egter juis vra waar jul geskenkregister geregistreer is want dit bespaar hulle tyd en moeite ... en is die essensie van etiket dan nie juis om jou gaste tegemoet te kom nie? Nog ‘n groep voel dit het reeds ‘n trou-tradisie geraak en dink die etiketvoorskrifte is verouderd.

Die punt is dat trougeskenke 'n netelige kwessie is. Wat is die regte ding om te doen? Hoe trap jy nié op tone nie? Hoe roer jy hierdie ongemaklike onderwerp aan?

Die oplossing is ... plaas dit op jul persoonlike OnsTroudag.co.za webblad!

Benut jul troudag webblad se geskenkregister

Jul persoonlik OnsTroudag.co.za is die ideale plek om sensitiewe inligting bekend te maak. Hier kan julle jul woorde fyn kies en taktvol sê wat julle verlang ... en dit aan die gaste oorlaat om te gaan kyk en te besluit wat hulle wil doen.  Geen druk, geen ongemaklike verduidelikings nie en en geen onduidelikhede nie!

Maak so met ‘n bruidsregister/ wenslys vir trougeskenke

Julle kry op jul OnsTroudag.co.za 'n bladsy vir jul bruidsregister. Noem daar hoe julle dit gedoen wil hê. Hier is die gewildste opsies - kies die een waarmee julle die gemaklikste is ... of dink jul eie plan uit:

• As julle regtig geen voorkeure het nie, noem dit of laat die bladsy leeg (vra ons om die bladsy af te skakel)
• As julle ‘n bruidsregister uitsit, gee die winkel/s, adres/se en kontakbesonderhede. As die winkel 'n internetdiens het, gee die webadres. (Onthou julle kan skakels na jul geskenkregisters by winkels soos Woolworths, @Home en Boardmans direk insit. Gaste gaan dus gerieflik van hul rekenaars soontoe en kies hul geskenke, hoewel nie almal reeds ingerig is vir internetaankope nie. Maak asseblief self seker aangesien winkels tans oorskakel na internetaankope op geskenkregisters.  Dit is ook 'n baie praktiese opsie vir bruidspare wat van oorsee af kom en hier kom trou - internet bruidsgeskenkregisters kan by winkels in Suid-Afrika en/of oorsee uitgesit word ... dit verminder jul bagasie aansienlik!)
• As julle ‘n wenslys opstel, plaas dit hier.
• As julle kontant verkies, noem dit hier. Noem dalk waarvoor julle die geld wil gebruik en dalk hoe julle die geld wil ontvang - in ‘n koevert, in ‘n skatkissie ....
• As 'n vriendin, ma of jul huweliksbeplanner as die bestuurder van jul geskenkregister gaan optree, gee die persoon se kontakbesonderhede hier. Die geskenklys kan of by haar gehou word of op jul webblad verskyn. (Onthou dat julle ook privaatbladsye het wat nie vir jul gaste toeganklik is nie. As julle jul wagwoord deel met jul geskenklysbestuurder, kan sy dit op een van die privaatbladsye aanteken en byhou  - julle kan dus ook gaan kyk wat aan die gebeur is.)
• As julle slegs voorkeurwinkels wil noem lys die winkels hier.

Antwoord ook ander moeilike vrae

Gaste het ook ander ongemaklik vrae soos ‘Is ons genooi na die kombuistee / bachelorette aand?'   of 'Ons het ons uitnodiging verloor - hoe laat is die troue nou weer ?'  Jul eie OnsTroudag.co.za antwoord hul vra maklik!

... en kry dubbele nut uit jul Dagboek-ons-Datum kaartjies!

Hoe gaan hulle weet wat jul OnsTroudag.co.za adres is? Laat dit plaas op jul troukaartjies en/of op jul Dagboek-ons-Datum kaartjies. Ons verskaf e-kaartjies, wat julle aan gaste epos. Volg die skakel hieronder.

Handige skakels

Demo's
Fooie
Teken in